बाढीले बगाएको ‘क्रुजसिप’ अड्किएपछि नारायणी पुलमा आवतजावत बन्द

उज्यालो सहकर्मी

सोमबार, असोज १२, २०८३

बाढीले बगाएको ‘क्रुजसिप’ अड्किएपछि नारायणी पुलमा आवतजावत बन्द

तस्वीर : सामाजिक सञ्जाल

काठमाण्डौ – चितवनको नारायणघाट र पूर्वी नवलपरासीको गैंडाकोट जोड्ने नारायणी नदी माथिको पुलमा हिजो बेलुकीदेखि आवतजावत बन्द गरिएको छ ।

बाढीले बगाएको क्रुजसिप अर्थात सानो पानीजहाज पुलमुनि अड्किएपछि सम्भावित जोखिमलाई ध्यान दिंदै पुलमा आवगमन बन्द गरिएको चितवन प्रहरीले जनाएको छ । अचानक पुल बन्द हुँदा आफ्नो गन्तव्यमा हिँडेका गाडी र यात्रुहरु अलपत्र परेका छन् ।

पुलमुनि अड्किएको क्रुजसिप निकाल्नको लागि रातभर प्रयास भए पनि सफल हुन सकेको छैन । क्रुजसिप नारायणी नदीको पुलमा नवलपरासीतर्फको पहिलो पिल्लर र जमिनको भागमा अड्किएको छ ।

प्रकाशित मिति: सोमबार, असोज १२, २०८३ ०६:१४