नेपाल एशियाली पूर्वाधार लगानी बैंक (एआइआइबी)को उपाध्यक्ष चयन

काठमाण्डौ – नेपाल एशियाली पूर्वाधार लगानी बैंक (एआइआइबी)को उपाध्यक्ष पदमा चयन भएको छ ।

कतारको राजधानी दोहामा बैंकको गभर्नर परिषद्को ११औँ वार्षिक बैठकका अवसरमा नेपाललाई आउँदो वर्षका लागि गैर–क्षेत्रीय सदस्य देशतर्फको उपाध्यक्ष पदमा चयन गरिएको हो ।

एआइआइबीको सङ्गठनात्मक संरचनाअनुसार एक जना अध्यक्ष तथा क्षेत्रीय र गैर–क्षेत्रीय सदस्य देशबाट एक/एक जना उपाध्यक्ष रहने प्रावधान छ । यसपटक गैर–क्षेत्रीय सदस्य समूहबाट नेपालसँगै आयरल्याण्ड पनि उपाध्यक्षका रूपमा चयन भएको छ ।  

वार्षिक बैठकका अवसरमा अर्थमन्त्री डा. स्वर्णिम वाग्लेले नेपालको जिम्मेवारी औपचारिक रूपमा ग्रहण गर्नुभएको उहाँको सचिवालयले जनाएको छ । हिजो आयोजित गभर्नर्स बिजनेस राउण्ड टेबललाई अर्थमन्त्री डा. वाग्लेले सम्बोधन पनि गर्नुभएको थियो ।

उहाँले सडक, विद्युत्, सञ्चार तथा सूचना प्रविधिजस्ता उत्पादनका प्रमुख साधनमा लगानी विस्तार गर्नुपर्ने आवश्यकता रहेको र नेपालजस्ता विकासशील देशहरुको आवश्यकतासँग मेल खानेगरी बैंकको लगानीलाई अधिकतम सहुलियतपूर्ण बनाउनुपर्ने बताउनुभएको थियो ।