एनपीएल : सुदूरपश्चिमले दियाे कर्णालीलाई १७७ रनकाे लक्ष्य
काठमाण्डाै – नेपाल प्रिमियर लिग (एनपीएल) मा सुदूरपश्चिम रोयल्सले कर्णाली याक्सलाई १७७ रनको लक्ष्य दिएको छ ।
कीर्तिपुरको त्रिवि अन्तर्राष्ट्रिय क्रिकेट मैदानमा टस हारेर ब्याटिङ गरेको सुदूरपश्चिमले २० ओभरमा ६ विकेट गुमाएर १७६ रन बनायो ।
सुदूरपश्चिमका सेफ जेबले ३५, विनोद भण्डारीले २७, ब्रान्डन म्याकमुलेनले २४, ईशान पाण्डेले २३, थरिन्दु रत्नायकले नटआउट २२ रन बनाए । कर्णालीका मार्क वाटले २ विकेट लिए ।
कर्णालीमा अनुबन्ध दक्षिण अफ्रिकाका डेभिड मिलरले याे खेलमा डेब्यु गरेका छन् ।
कर्णाली ३ खेलमा ४ अङ्कसहित तेस्रो र सुदूरपश्चिम ४ खेलमा ४ अङ्कसहित नेट रन रेटका आधारमा छैटौँ स्थानमा छ ।
एनपीएलमा आजको दोस्रो खेलमा बेलुका ५ बजे चितवन राइनोज र पोखरा एभेन्जर्स खेल्दैछन् ।
चितवन ३ खेलमा ३ अङ्कसहित सातौँ र पोखरा ३ वटै खेल हारेर अङ्कविहीन हुँदै पुछारमा छ ।
८ वटा टोली सहभागी तेस्रो संस्करणको एनपीएल आउँदो मङ्सिर ५ गतेसम्म चल्नेछ ।
एनपीएल : मिलरले डेब्युमै नटआउट ९३ रन बनाए पनि कर्णाली पराजित
शुक्रबार, कात्तिक २०, २०८३
एनपीएलमा आज कर्णाली र सुदूरपश्चिम तथा चितवन र पोखरा खेल्दै
शुक्रबार, कात्तिक २०, २०८३
एनपीएलमा काठमाण्डौको लगातार दोस्रो जित, लुम्बिनीले जनकपुरलाई हरायो
शुक्रबार, कात्तिक २०, २०८३
एनपीएल : जनकपुरलाई हराउँदै लुम्बिनीकाे तेस्राे जीत
बिहीबार, कात्तिक १९, २०८३
एनपीएल : लुम्बिनीले दियाे जनकपुरलाई १५० रनकाे लक्ष्य
बिहीबार, कात्तिक १९, २०८३