नेभिगेशन
मंगलबार, मंसिर १, २०८३

मधेशमा नयाँ सरकार गठनका लागि राजनीतिक दलको सक्रियता

काठमाण्डाै – छठ पर्वको सकिएसँगै मधेश प्रदेशमा नयाँ सरकार गठनका लागि राजनीतिक दलहरूको सक्रियता बढेको छ ।

मुख्यमन्त्री कृष्णप्रसाद यादवले गएको कात्तिक २८ गते पदबाट राजीनामा दिएपछि दलहरूबीच सत्ता समीकरण, नेतृत्व र मन्त्रालय बाँडफाँटबारे छलफल तीव्र भएको हो ।

अहिले नेकपा एमाले र नेपाली कम्युनिस्ट पार्टी (नेकपा) को समर्थनमा जनता समाजवादी पार्टी (जसपा) नेपालको नेतृत्वमा सरकार बनाउने विषयमा संवाद अघि बढेको नेताहरूले बताएका छन् ।

१०३ सदस्यीय प्रदेशसभामा जसपा नेपालको २७, एमालेको २३ र नेकपाको १५ सिट रहेकाले यी तीन दल मिल्दा सहज बहुमत पुग्ने देखिन्छ ।

प्रदेश प्रमुख डा. सुरेन्द्रलाभ कर्णले संविधानअनुसार दुई वा दुईभन्दा धेरै दलको समर्थनमा बहुमत जुटाउन सक्ने प्रदेशसभा सदस्यलाई मुख्यमन्त्रीमा दाबी पेश गर्न पर्सि बिहीवार मङ्सिर २ गते दिउँसो ४ बजेसम्मको समय दिनुभएको छ ।

मधेश प्रदेशसभाको यस कार्यकालको चार वर्ष पूरा नहुँदै छैटौँ मुख्यमन्त्रीको खोजी भइरहेको हो ।

प्रकाशित मिति:
थप राजनीति