नेभिगेशन
बुधबार, मंसिर २, २०८३

शेयर बजार आज पनि दाेहाेराे अङ्कले घट्याे

शेयर बजार लगातार दाेस्राे दिन दाेहाेराे अङ्कले घटेकाे छ । शेयर बजार परिसूचक नेप्से आज ११.०५ अङ्कले घटेर २ हजार ६२५.०५ विन्दुमा झरेको छ । हिजो नेप्से १२ अङ्कले ओरालो लागेको थियो ।

आज बैंक र म्युचल फन्ड बाहेक सबै समूहको उपसूचक घटेकोमा व्यापार समूह साढे २ प्रतिशतले ओरालो लागेको छ ।

आज २०० वटा कम्पनीको शेयर घटेकोमा ६९ वटाको बढेको छ । १० वटा कम्पनीको शेयर भने घटबढ भएको छैन ।

आज एभरेस्ट कलरको शेयर ८.६३ प्रतिशतले घटेको छ । सानिमा लार्ज क्याप फन्डको शेयर ३.२६ प्रतिशतले बढेको छ ।

आज नेप्सेसँगै कारोबार रकम पनि घटेको छ । हिजो ४ अर्ब ७३ करोडको कारोबार भएकोमा आज ३४७ वटा कम्पनीको १ करोड १ लाख कित्ता शेयर ४ अर्ब १५ करोड रुपैयाँमा किनबेच भएको छ ।

प्रकाशित मिति:
थप अर्थ