नेभिगेशन
शनिबार, मंसिर ५, २०८३

इलाममा आजदेखि सूर्योदय चिया महोत्सव शुरु

काठमाण्डौ – इलाममा आजदेखि दुई दिने ‘प्रथम सूर्योदय चिया महोत्सव–२०८३’ शुरु भएको छ ।

पर्यटन प्रवर्द्धन गर्ने उद्देश्यले सूर्योदय नगरपालिका, कोशी प्रदेश सरकार र पदमार्गमा आधारित पर्यटन विकास परियोजनाको साझेदारीमा सूर्योदय नगरपालिकाको कन्याममा महोत्सव शुरु भएको हो ।

चिया पर्यटन प्रवर्द्धन गर्न र सूर्योदय नगरपालिकामा निर्माणाधीन चिया पदमार्गको प्रचारप्रसार गर्ने उद्देश्यले कार्यक्रम गरिएको सूर्योदय चिया महोत्सव कार्यक्रम व्यवस्थापन समितिका संयोजक एवं वडा १० का वडाध्यक्ष पेमा उगेन लामाले बताउनुभयो ।

भोलिसम्म चल्ने महोत्सवमा ‘टि ट्रेल रेस’, चियासम्बन्धी अन्तरसंवाद, चिया प्रवर्द्धन तथा स्वाद परीक्षण, चियाबारी ट्रेल पदयात्रा, स्थानीय खाना तथा परिकारका प्रदर्शनी र सांस्कृतिक झाँकी प्रस्तुत हुँदैछन् ।

त्यस्तै, स्थानीय खाद्य परिकारको कक्षसहित सूर्योदय नगरपालिका क्षेत्रभित्र उत्पादन हुने विभिन्न ब्राण्डका चियाको प्रदर्शनी, टेस्टिङ र बजारीकरणको व्यवस्था गरिने संयोजक लामाले बताउनुभयो । 

प्रकाशित मिति:
थप समाज