नेभिगेशन
आइतबार, मंसिर ६, २०८३

बहराइनमा रहेको अमेरिकी सैन्य अखडामाथि इरानको क्षेप्यास्त्र र ड्रोन आक्रमण

मध्यपूर्वमा तनाव चर्किएको छ । इरानले बहराइनमा रहेका अमेरिकी सैन्य अखडाहरूलाई लक्षित गर्दै ड्रोन तथा ब्यालेस्टिक क्षेप्यास्त्र प्रहार गरेको अन्तर्राष्ट्रिय सञ्चारमाध्यमले जनाएका छन् ।

गएराति भएको आक्रमणमा बहराइनमा रहेका चारवटा अमेरिकी सैन्य अखडालाई निशाना बनाइएको इरानी पक्षको दाबी छ । आक्रमणका क्रममा अमेरिकी सैन्य संरचना, हवाई प्रतिरक्षा प्रणाली तथा राडार संयन्त्रलाई लक्षित गरिएको छ ।

इरानले अमेरिकी सेनाको प्याट्रियट क्षेप्यास्त्र प्रतिरक्षा प्रणाली र राडारमा क्षति पुगेको दाबी गरे पनि त्यसको स्वतन्त्र पुष्टि हुन सकेको छैन ।

अमेरिका र बहराइन दुवै पक्षले इरानी दाबीबारे आधिकारिक पुष्टि नगरेकाले आक्रमणबाट भएको वास्तविक क्षतिको विवरण आउन बाँकी छ ।

प्रकाशित मिति:
थप विश्व