सेउटामा आप्रवासी छिरेको विषयलाई लिएर स्पेन र इटालीबीच विवाद

मोरक्कोबाट सेउटामा आप्रवासी छिरेको विषयलाई लिएर विवाद चर्किएसँगै स्पेनले इटालीविरुद्ध सीमा नियन्त्रण लागू गरेको छ । युरोपेली संघ (ईयू) का यी दुई देशबीचको विवाद चर्किएसँगै स्पेनले इटालीबाट हुने सम्पूर्ण हवाई तथा समुद्री यात्रामा सीमा नियन्त्रण लागू गरेको हो ।

इटालीले यसअघि नै स्पेनबाट आउने यात्रुमाथि अतिरिक्त सीमा नियन्त्रण लागू गरिसकेको थियो । स्पेनको नयाँ व्यवस्था मध्यरातदेखि लागू भएको हो । यो सेप्टेम्बर ७ सम्म कायम रहने स्पेन सरकारले जनाएको छ । परिस्थितिमा परिवर्तन आएमा यो अवधि संशोधन गर्न सकिने पनि उसले जनाएको बीबीसीले उल्लेख गरेको छ ।

इटालीले कम्तीमा अगस्ट १५ सम्म यस्तो जाँच कायम राख्ने जनाएको छ । इटाली र स्पेनबीच कुनै पनि स्थलगत सीमा जोडिएको छैन । तर पछिल्लो संकटले स्पेनका समाजवादी नेता पेड्रो सान्चेजलाई इटालीकी कन्जरभेटिभ (रूढिवादी) नेतृ जर्जिया मेलोनीको आमने सामने ल्याइदिएको छ ।

मेलोनीले लामो समयदेखि युरोपेली संघमा आप्रवासनसम्बन्धी कडा नियमहरूको वकालत गर्दै आउनुभएको छ ।