बेलायतका विद्यालयमा स्मार्टफोन पूर्ण प्रतिबन्ध लगाउने तयारी

बेलायतमा आउँदो वर्ष सन् २०२७ को सेप्टेम्बर महिनादेखि लागू हुने कडा सरकारी निर्देशिकाअनुसार बालबालिकाहरूले विद्यालय समयभरि आफूसँग मोबाइल फोन राख्न नपाउने भएका छन् ।

केही विद्यालयहरूमा बालबालिकाहरूलाई आफ्ना फोनहरू झोलामा राख्न दिइन्छ, तर ती फोनहरू देखिनु वा सुनिने हुनु हुँदैन ।

गएको जुन महिनादेखि लागू भएका निर्देशिकाअनुसार विद्यालय समयमा फोनको प्रयोग नहुने वातावरण सुनिश्चित गर्नु विद्यालय र तिनलाई सञ्चालन गर्ने ट्रस्टहरूको कानूनी जिम्मेवारी हो ।

सरकारका अनुसार फोनको पहुँचले बालबालिकाहरूको ध्यान पढाइबाट हटाउन सक्छ र उनीहरूलाई एकअर्काबाट टाढा बनाउन सक्छ ।

यी नियमहरू कसरी लागू गर्ने भन्ने कुरा विद्यालयहरूले आफैँ निर्णय गर्न सक्नेछन् । केही विद्यालयहरूले फोन राख्नका लागि ताल्चा लगाउन मिल्ने थैली वा सुरक्षित लकरहरूको प्रयोग गरिरहेका बीबीसीले जनाएको छ ।

यस्तै अन्य धेरै विद्यालयहरूले दिनको शुरुआतमा फोनहरू जम्मा गर्ने वा विद्यालयमा फोन ल्याउन पूर्णरूपमा निषेध गर्दै आएका छन् ।

बेलायतका विभिन्न भागहरूमा शिक्षासम्बन्धी निर्णयहरू त्यहाँका सरकारले गर्ने हुँदा मोबाइल फोनसम्बन्धी नियमहरू पनि फरक–फरक छन् ।