बेलायती लेखक ह्यारिसनलाई यस वर्षको बुकर पुरस्कार प्रदान

काठमाण्डौ - बेलायती लेखक एम जोन ह्यारिसनले ८१ वर्षको उमेरमा सन् २०२६ को प्रतिष्ठित बुकर पुरस्कार जित्नुभएको छ । उहाँको उपन्यास ‘द एन्ड अफ एभ्रिथिङ’ लाई यस वर्षको बुकर पुरस्कार प्रदान गरिएको हो ।

यससँगै उहाँ बुकर पुरस्कार जित्ने अहिलेसम्मकै सबैभन्दा पाका लेखक बन्नुभएको छ । लन्डनमा आयोजित समारोहमा ह्यारिसनलाई पुरस्कार प्रदान गरिएको हो । उहाँको उपन्यास यस वर्षको अन्तिम सूचीमा परेका ६ वटा पुस्तकहरूमध्ये सबैभन्दा छोटो थियो ।

जम्मा १९८ पृष्ठको यो पुस्तकलाई निर्णायक मण्डलले सर्वसम्मत रूपमा विजेता घोषणा गरेका बीबीसीले जनाएको छ । विगत ६० वर्षदेखि साहित्य सिर्जनामा सक्रिय ह्यारिसनको यो उपलब्धिलाई साहित्यिक क्षेत्रमा विशेष महत्त्वका साथ हेरिएको छ ।

पुरस्कार प्राप्त गरेपछि ह्यारिसनले आफूलाई बल्ल वास्तविक लेखक बनेको अनुभूति भएको प्रतिक्रिया दिनुभएको छ । सन् २०२५ को बुकर पुरस्कार हङ्गेरियन–बेलायती लेखक डेभिड स्जालेले आफ्नो उपन्यास ‘फ्लेश’ का लागि जित्नुभएको थियो ।