युक्रेनी हतियार कोषको साढे ७ अर्ब डलर प्रयोग गर्न दिन ईयू सदस्य देशहरु सहमत

युरोपेली सङ्घ (ईयू) सदस्य देशहरुले युक्रेनलाई आपूर्ति गरिएका हतियारको थप आपूूर्ति गर्न बनाइएको कोषबाट ६ अर्ब ६० करोड युरो अर्थात् साढे ७ अर्ब डलर जारी गर्न सहमति जनाएका छन् । यो रकम नेपाली रुपैयाँमा साढे १० खर्ब बराबर हो ।

युक्रेनलाई सैन्य सहयोग दिन हङ्गेरीको विरोधका कारण भुक्तानीमा भिटो लागेको थियो । तर अप्रिलमा पिटर म्याग्यारले भिक्टर ओरबानलाई प्रतिस्थापन गरेपछि हङ्गेरीले नीति परिवर्तन गरेकाे हाे । त्यसपछि यो रकम कसरी प्रयोग गर्ने भन्नेबारे निरन्तर छलफल हुँदै आएको थियो ।

युरोपेली सङ्घकी विदेश नीति प्रमुख काजा काल्लासले ४.७ अर्ब युरो सदस्य देशहरुलाई प्रतिपूर्ति गर्न प्रयोग गरिने बताउनुभयो । केही देशहरूले आफ्नो अंश युक्रेनलाई रुसविरुद्ध लड्न सहयोग गर्न प्रयोग गर्ने बताइसकेका छन् ।

झण्डै ९० करोड युरो युक्रेनी सेनाका लागि युरोपेली सङ्घको नेतृत्वमा हुने तालिम मिसनमा खर्च हुनेछ भने एक अर्ब युरो नयाँ संयुक्त खरिद उपकरणमा खर्च हुने काल्लासले बताएको समाचार संस्था एएफपीले जनाएको छ ।