घोप्टेभिरको पहिरो पन्छाएर सडक दुईतर्फी सञ्चालनमा

उज्यालो सहकर्मी

आइतबार, कात्तिक २२, २०८३

फाइल तस्वीर

काठमाण्डौ - पृथ्वी राजमार्गअन्तर्गत चितवनको इच्छाकामना- ४ घोप्टेभिरमा खसेको सुक्खा पहिरो पन्छाएर सडक दुईतर्फी सञ्चालनमा ल्याइएको छ ।

आइतबार बिहान पहिरो खसेर अवरुद्ध भएको सडक दिउँसो सवा २ बजेदेखि दुईतर्फी सञ्चालनमा आएको हो । यसअघि दिउँसो १२ बजेदेखि सडक एकतर्फी सञ्चालनमा आएको थियो ।

जिल्ला प्रहरी कार्यालय, चितवनका प्रमुख प्रहरी उपरीक्षक रामेश्वर पौडेलका अनुसार सडक दुईतर्फी सञ्चालनमा आएसँगै रोकिएका गाडी गन्तव्यतर्फ लागेका छन् ।

नौबिसे–मुग्लिन सडक आयोजना पश्चिम खण्डका सूचना अधिकारी इन्जिनियर सचिन्द्र मिश्रका अनुसार झण्डै ३५ मिटर माथिबाट सुक्खा पहिरो खसिरहेको थियो ।

प्रकाशित मिति: आइतबार, कात्तिक २२, २०८३ १६:०९

थप समाज

तीन वटा सुरक्षा निकायले छुटाछुटै कार्यक्रम गरी कुकुर तिहार मनाए