लक्ष्मीपूजामा झकिझकाउ बनेको काठमाण्डौ (फोटो फिचर)

काठमाण्डौ - नेपालीहरूको उज्यालो पर्व तिहारअन्तर्गत आज लक्ष्मीपूजा हर्षोल्लासका साथ मनाइएको छ। लक्ष्मीपूजाको अवसरमा  काठमाण्डौ उपत्यका रंगीचंगी बत्तीको उज्यालोमा झकिझकाउ बनेको छ।

घर, भवन तथा व्यापारिक प्रतिष्ठानहरूमा बालिएका आकर्षक बत्तीले उपत्यकालाई झिलिमिली बनाएका छन् । साँझ ढल्किएसँगै शहरका विभिन्न स्थानमा देखिएको दीपावलीको रौनकले वातावरण थप उल्लासमय बनेको छ।

लक्ष्मीपूजाका अवसरमा घरघरमा दीप प्रज्वलन गरी धनधान्यकी देवी लक्ष्मीको पूजा आराधना गर्ने परम्परा छ। घर सफा गरी दीपावलीका साथ लक्ष्मीलाई घरमा भित्र्याउँदा सुख, शान्ति र समृद्धि प्राप्त हुने धार्मिक विश्वास रहिआएको छ।

हेर्नुहोस्, लक्ष्मीपूजाको अवसरमा कीर्तिपुरबाट देखिएको काठमाण्डौ उपत्यकाका केही मनमोहक दृश्यहरू।