नेभिगेशन
सोमबार, कात्तिक ३०, २०८३

बेमौसमी वर्षाले पोखरामा काटेको धान खेतमै भिज्यो

काठमाण्डौ – धान भित्र्याउने तयारीमा रहेका पोखराका किसानलाई हिजो बेलुका परेको बेमौसमी वर्षाले समस्यामा पारेको छ । काटेर खेतमा सुकाउन राखिएको धान वर्षाका कारण भिजेको हो ।

पोखरा–१३ आर्वाका श्रीराम सिग्देलले कसेरी र सनुपदेली फाँटमा अस्ति र हिजो काटेर राखेको धान पूरै पानीमा डुबेको बताउनुभयो । उहाँका अनुसार त्यस क्षेत्रका झण्डै ७५ प्रतिशत किसानले शनिवार र आइतवार धान काटेका थिए ।

पोखरा महानगरपालिकाको कृषि तथा आर्थिक विकास महाशाखाका प्रमुख मनहर कडरियाले बेमौसमी वर्षाका कारण विभिन्न ठाउँमा काटेर राखिएको धान भिजेको जानकारीमा आएको बताउनुभयो ।

अगौटे धान अधिकांश किसानले थन्काइसके पनि जेठोबुढो धान भित्र्याउने समयमा वर्षा हुँदा समस्या भएको उहाँले बताउनुभयो । 
 

प्रकाशित मिति:
थप समाज