नेभिगेशन
आइतबार, मंसिर ६, २०८३

स्तन क्यान्सरको समयमै पहिचान र उपचार भए पूर्ण रूपमा निको हुन सक्छ : विज्ञ

काठमाण्डौ – महिलाहरूमा हुने क्यान्सरमध्ये स्तन क्यान्सर प्रमुख जोखिमका रूपमा देखिएको छ ।

अन्तर्राष्ट्रिय क्यान्सर अनुसन्धान संस्थाको प्रतिवेदनअनुसार नेपालमा सन् २०२४ मा मात्रै एक हजार ७४६ जनामा नयाँ स्तन क्यान्सर देखिएको छ भने त्यही वर्ष सात सय ५० जनाको ज्यान गएको अनुमान् छ ।

क्यान्सर रोग विशेषज्ञ डा. अरुण शाहीका अनुसार स्तनमा गाँठो आउनु, घाउ देखिनु, मुन्टोबाट रगत वा तरल पदार्थ बग्नु तथा छाला सुन्तलाको बोक्राजस्तो हुनु यसका प्रमुख लक्षण हुन् ।

क्यान्सर रोग विशेषज्ञ डा. अरुण शाहीका अनुसार यस्ता लक्षण देखिएमा घरेलु उपचारमा नभई तत्काल स्वास्थ्य संस्थामा जँचाइहाल्नुपर्छ । १९ वर्ष उमेर पुगेका महिलाले महिनावारी भएको सातदेखि १० दिनभित्र नियमित रूपमा आफैँले स्तन परीक्षण गर्नुपर्ने विज्ञहरूको सुझाव छ ।

मोटोपना, जाँडरक्सी तथा सुर्तीको प्रयोग, शारीरिक निष्क्रियता र अस्वस्थ खानपान यसका मुख्य जोखिम कारक हुन् ।

प्रारम्भिक अवस्थामै पहिचान गरे स्तन क्यान्सर पूर्ण रूपमा निको हुने भएकाले नियमित व्यायाम गर्ने, सन्तुलित आहार अपनाउने र शंकास्पद लक्षण देखिएमा ढिलाइ नगरी चिकित्सकको परामर्श लिन विज्ञहरूले आग्रह गरेका छन्  

प्रकाशित मिति:
थप समाज