बझाङमा ५० प्रतिशत हाराहारीमा मतदान
बैशाख १५, २०८१ शनिबार
कालीकाेट – जिल्ला प्रहरी कार्यालय कालीकोटले शनिबार चलाएको आकस्मिक अभियानले २ हजार लिटर भन्दा बढी घरेलु रक्सी नष्ट गरेको छ ।
जिल्ला र जिल्ला मातहतका २६ वटा प्रहरी युनिटको सकृयतामा ८ सय ४६ लिटर तयारी घरेलु रक्सी र रक्सी बनाउन तयारी हालतमा राखिएको १ हजार ५ सय २६ लिटर कच्चापदार्थ प्रहरीले नियन्त्रणमा लिएर नष्ट गरेको हो । जिल्ला प्रहरी कार्यालय कालीकोटका सूचना अधिकारी सुबराज बमका अनुसार यति ठूलो संख्यामा एकै पटक प्रहरीले रक्सी नियन्त्रण गरेकाे यो पहिलो पटक हो ।
प्रहरीका अनुसार नष्ट गरिएकाे रक्सीमा मानव स्वास्थ्यमा लागि हानिकारक वस्तुहरु समेत भेटिएका थिए ।
सरकारले अवैधरुपमा उत्पादन गरिएको घरेलु रक्सी नष्ट गर्ने, शान्ति सुरक्षा कायम गर्ने लगायतका कार्यहरु गर्ने जिम्मेवारी तोकेकाले त्यहीअनुसार घरेलु रक्सी नष्ट गरिएको प्रमुख जिल्ला अधिकारी रामहरि शर्माले बताउनु भयो ।
कालिकोटका पत्रकार मनिराज पाण्डे उज्यालोका जिल्ला सम्वाददाता हुनुहुन्छ ।