रुकुम पश्चिममा बसको ठक्करबाट एक जनाको ज्यान गयो, दुई जना घाइते

मंसिर ९, २०८० शनिबार १०:३९:४४ | राजु लामिछाने

रुकुम पश्चिम - रुकुम पश्चिमकाे आठबिसकाेटमा रात्रि बसको ठक्करबाट एक जनाको ज्यान गएको छ । दुई जना घाइते भएका छन् ।

आठबिसकोट नगरपालिका वडा नम्बर ११ को चिसापानीमा शुक्रवार बेलुका ना ३ ख ५२०७ नम्बरकाे रात्रि बसले ठक्कर दिँदा ३८ वर्षीय गणेश परियारको ज्यान गएकाे हाे ।

परियारकाे घटनास्थलमै ज्यान गएकाे आठबिसकोट नगरपालिकाका मेयर रवि केसीले जानकारी दिनुभयो ।

घाइते हुनेहरुमा आठबिसकोट नगरपालिका–१४ ज्यामिरकोटका १९ वर्षीया भावना चन्द र २० वर्षीय राजेन्द्र पोखरेल रहनुभएको छ । घाइते दुवै जनाकाे आठबिसकोट राडीमा रहेकाे नगर अस्पतालमा उपचार भइरहेकाे छ ।

अन्तिम अपडेट: बैशाख १५, २०८१

राजु लामिछाने

राजु लामिछाने रुकुमका उज्यालो सहकर्मी हुनुहुन्छ ।

रुकुम पश्चिममा बसको ठक्करबाट एक जनाको ज्यान गयो, दुई जना घाइते

तपाईको प्रतिक्रिया