तमिलनाडु सरकारले गरिब परिवारलाई ग्यास सित्तैमा दिने

भारतको तमिलनाडु सरकारले विपन्न र कम आय भएका परिवारका लागि हरेक वर्ष तीन वटा खाना पकाउने एलपीजी ग्यास सिलिन्डर निःशुल्क उपलब्ध गराउने भएको छ ।

तमिलनाडुका मुख्यमन्त्री सी. जोसेफ विजयले राज्यका गरिब परिवारका लागि यस्तो घोषणा गर्नुभएको हो । विधानसभालाई सम्बोधन गर्दै मुख्यमन्त्री विजयले ‘अन्नपूर्णी सुपर सिक्स’ योजनाअन्तर्गत यो सुविधा ल्याइएको जानकारी दिनुभयो ।

वार्षिक २ लाख ५० हजार रुपैयाँसम्म आय भएका परिवारलाई कम आय वर्गको रुपमा परिभाषित गर्दै सरकारल यो कार्यक्रम तयार पारेको उहाँको भनाई छ । यो योजना आउँदो जनवरीमा मनाइने तमिलहरूको मुख्य पर्व ’पोङ्गल’ देखि औपचारिक रूपमा लागू हुनेछ ।

योजना कार्यान्वयनका लागि प्रत्यक्ष लाभ हस्तान्तरण अर्थात् ‘डीबीटी’ प्रणाली प्रयोग गरिनेछ । जसअनुसार उपभोक्ताले ग्यास खरिद गरेपछि त्यसको रकम सरकारले सोझै सम्बन्धित परिवारकी मुख्य महिलाको बैंक खातामा पठाइदिनेछ ।

सरकारको यो निर्णयबाट तमिलनाडुका झण्डै १ करोड ३० लाख परिवार प्रत्यक्ष रूपमा लाभान्वित हुने अनुमाने छ । यस योजना सञ्चालनका लागि राज्यको ढुकुटीबाट वार्षिक झण्डै ४० अर्ब भारतीय रुपैयाँ खर्च हुने मुख्यमन्त्री विजयले बताउनुभएको छ ।

वाढ्दो महँगीका बीच आएको यो घोषणालाई स्थानीयवासीले स्वागत गरेका छन् ।