श्रीलङ्काका स्पिनर प्रभात जयसूर्या आईसीसीको कारबाहीमा

काठमाण्डाै – अन्तर्राष्ट्रिय क्रिकेट काउन्सिल (आईसीसी) ले श्रीलङ्काका स्पिनर प्रभात जयसूर्यालाई कारबाही गरेको छ । घरेलु मैदान कोलम्बोमा चलिरहेको भारतसँगको दोस्रो टेस्टमा भएको घटनाका कारण आईसीसीले ३४ वर्षीय बलरलाई कारबाही गरेको हो ।

श्रीलङ्काको पहिलो पारीको हिजोको खेलको अन्तिम बलमा आउट भएपछि मैदानबाट फर्किने क्रममा जयसूर्याले आफ्नो ब्याटले बाउन्ड्री वेजमा प्रहार गरेका थिए । यो घटनामा आईसीसीले उनलाई सचेत गराउँदै १ डिमेरिट अङ्क दिएको छ ।

यससँगै जयसूर्या कोलम्बोमा चलिरहेको टेस्टका क्रममा कारबाहीमा पर्ने तेस्रो खेलाडी बेनका छन् । यसअघि आईसीसीले भारतका ब्याटर यशस्वी जैसवाल र श्रीलङ्काका तीव्र गतिका बलर असिता फर्नान्डोलाई कारबाही गरेको थियो ।

भारतको पहिलो पारीको १७औँ ओभरमा फर्नान्डोले जैसवाललाई आउट गरेपछि दुई खेलाडबीच भनाभन भएको थियो । त्यसपछि दुवै खेलाडी अघि बढ्दा एकआपसमा टाउको ठोक्किएको थियो ।

भारतले दोस्रो टेस्टको पहिलो पारीमा ५०३ रन बनाएर ९ विकेट गुमाएको अवस्थामा पारी समाप्तिको घोषणा गरेको थियो । अहिले श्रीलङ्काले पहिलो पारीको ब्याटिङ गरिरहेको छ ।

दुई खेलको टेस्ट शृङ्खलाको पहिलो खेल भारतले १६५ रनले जितेको थियो ।