मैदानमा लडेका रोबोटलाई मानिसले स्ट्रेचरमा बोकेपछि....

दौडिँदा–दौडिँदै एकाएक सन्तुलन गुमाएर बजारिएपछि घाइते खेलाडी सरह स्ट्रेचरमा बोकिएका रोबोटका अनौठा दृश्यहरूले अहिले विश्वकै ध्यान तानेका छन् ।

चीनको बेइजिङमा रहेको नेशनल स्पिड स्केटिङ ओभलमा सम्पन्न ‘वल्र्ड ह्युमनोइड रोबोट गेम्स २०२६’ मा मानिसझैँ देखिने र सोच्ने एआई रोबोटहरू प्रतिस्पर्धा गर्दा यस्ता रोचक दृश्य देखिएका हुन् ।

मानिसको नियन्त्रणबिनै पूर्ण स्वायत्त रूपमा खेलिएका प्रतिस्पर्धामा १०० मिटर दौडिसकेपछि रोबोटहरू सुरक्षा पर्खालमा ठोक्किएर ढलेपछि प्राविधिक टोलीले तिनलाई स्ट्रेचरमा हालेर मैदानबाहिर लगेका थिए ।

यस्तो दृष्य फुटवालमा पनि देखियो । यस प्रतियोगिताको मुख्य आकर्षण १०० मिटरको कउचष्लत दौड रह्यो । चीनको बेइजिङ ह्युमनोइड रोबोट इनोभेसन सेन्टरले बनाएको ’तियानगोङ अल्ट्रा’ नामक रोबोटले १०० मिटर दूरी ९ दशमलव ३९ सेकेन्डमा पार गर्दै महान् धावक उसेन बोल्टको ९ दशमलव ५८ सेकेन्डको मानव विश्वकीर्तिमान तोड्दै स्वर्ण पदक जितेको छ ।

त्यस्तै, रोबोटबीचको फुटबल प्रतियोगिताको उपाधि तसिङ्हून विश्वविद्यालय र शन्हाई टोली ले जितेका छन् । ५ दिनसम्म चलेको दोस्रो संस्करणको खेलकुद प्रतियोगितामा १६ देशका ६६६ टोलीका २ हजार ५६ भन्दा बढी रोबोटहरूले कुल ५१ वटा प्रतिस्पर्धामा भाग लिएका थिए ।