उत्तर काेरियाले एशियाली खेलकुदमा झन्डै सय जना खेलाडी पठाउने

काठमाण्डाै – उत्तर कोरियाले जापानमा हुने एशियाली खेलकुदमा झन्डै एक सय जना खेलाडी पठाउने भएको छ ।

२०औँ संस्करणको प्रतियोगिताका लागि १४ वटा खेलका झन्डै एक सय जना खेलाडी पठाउने उत्तर कोरियाको ओलम्पिक कमिटीलाई उद्धृत गर्दै समाचार संस्था रोयटर्सले जनाएको छ ।

जापानसँग उत्तर कोरियाको सम्बन्ध प्रायः तनावपूर्ण रहने गरेको छ । उत्तर कोरियाले विश्वव्यापी स्वास्थ्य सङ्कटलाई कारण देखाउँदै सन् २०२१ को टोकियो ग्रीष्मकालीन ओलम्पिकमा टोली नपठाउने निर्णय गरेको थियो ।

सन् २०२३ मा चीनको हाङझाउमा भएको अघिल्लो एशियाली खेलकुदमा उत्तर कोरियाले १८ वटा खेलमा एक सय ८५ जना खेलाडी पठाएको थियो । त्यस बेला उत्तर कोरियाले ११ स्वर्ण, १८ रजत र १० कांस्य पदक जितेको थियो ।

यस पटकको टोलीको आकार भने त्यसको तुलनामा सानो छ । कोरियाली सञ्चारमाध्यमका अनुसार यो सानो टोलीले तीन वर्षअघिको तुलनामा धेरै पदक जित्ने आशा व्यक्त गरेको छ ।

एशियाली खेलकुद जापानको आइची नागोयामा आउँदो सेप्टेम्बर २४ देखि अक्टोबर ३ सम्म आयोजना हुँदैछ ।