मध्यावधि चुनावमा ‘अमेरिकी इतिहासकै ठूलो प्रतिगमन’ भएको ट्रम्पको टिप्पणी

हालै सम्पन्न अमेरिकी मध्यावधि चुनाव अमेरिकाका लागि ‘इतिहासकै ठूलो प्रतिगमन’ भएको राष्ट्रपति डोनाल्ड ट्रम्पले टिप्पणी गर्नुभएको छ ।

उहाँले चुनावमा रिपब्लिकन पार्टीलाई भएको ठूलो हारबाट पाठसहित अबका दिनमा अझ बलियो भएर फर्कने दाबी गर्नुभएको छ । डेमोक्र्याटहरूले गएको मङ्गलबार सम्पन्न मध्यावधि चुनावमा कंग्रेसका दुवै सदनमा बहुमत प्राप्त गरेका छन् ।

जसका कारण ट्रम्पको रिपब्लिकन पार्टीलाई दशकौँदेखि प्रभुत्व जमाएका राज्यहरूमा ऐतिहासिक क्षति भएको छ । ट्रुथ सोशलमा एक पोस्ट गर्दै राष्ट्रपति ट्रम्पले चुनावको परिणामले अमेरिकालाई इतिहासमा ‘ठूलो प्रतिगमनतर्फ’ अघि बढाएको बताउनुभयो ।

रिपब्लिकन सांसदहरूले असफलतामा राष्ट्रपति ट्रम्पलाई जिम्मेवार बताइरहेका समय राष्ट्रपति ट्रम्पले अझ कडा कदम चाल्दै पछि नफर्कने सङ्केत गर्नुभएको एएफपीले जनाएको छ ।

उहाँले गएको शुक्रबार कट्टरपन्थी सल्लाहकार स्टिफन मिलरलाई आफ्नो नयाँ ‘चिफ अफ स्टाफ’ को रूपमा नियुक्त गर्नुभएको थियो । डेमोक्र्याटहरूले ट्रम्प प्रशासनलाई जवाफदेही बनाउने बताएका छन् ।