फ्रान्समा विद्यार्थी र शिक्षकद्वारा मङ्गलबार पुनः हडतालको आह्वान

फ्रान्सका विद्यार्थी र शिक्षक समूहहरूले पर्सि मङ्गलबार फेरी हडतालको आह्वान गरेका छन् ।

उनीहरूले शिक्षा क्षेत्रमा खर्च बढाउन सरकारमाथि दबाब जारी राखेका छन् । फ्रान्समा यस अघि भएका प्रदर्शन हिंसात्मक हुँदा ठूलो सङ्ख्यामा प्रदर्शनकारी र सुरक्षाकर्मीसमेत घाइते भएका थिए ।

आन्दोलनले हिंसात्मक रुप लिएपछि सरकारले देशका शहरी क्षेत्रमा व्यापक सुरक्षादस्तासमेत परिचालन गरेको थियो । फ्रान्समा हप्ताौँदेखि विद्यालय बन्द छन भने  देशभर प्रदर्शन भैरहेको छ ।

शिक्षक र विद्यार्थी सङ्घका ट्रेड युनियनहरूले हिजो नयाँ आन्दोलनको घोषणा गर्दै संयुक्त वक्तव्य जारी गर्दै आन्दोलन ‘शक्तिशाली बन्दै आएको र  सरकार थपकमजोर अवस्थामा पुगेर  र झुक्न थालेको दाबी गरेका छन् ।

यस्तै उनिहरुले सरकारमाथि दबाब कायम राखेर आन्दोलनलाई फराकिलो बनाउन पर्सि मङ्गलबार एक दिन पुनः देशव्यापी हडतालको आह्वान गरिएको जनाएका एएफपीले जनाएको छ ।