घाइते अवस्थामा बाघ देखापरेपछि वन प्रवेश निषेध
बैशाख १५, २०८१ शनिबार
सोलुखुम्बु - बाढीले सोलुखुम्बुको दिप्लीघाटमा रहेकाे बेलीब्रिजमा क्षति पुर्याएकाे छ ।
निरन्तरको वर्षापछि आएकाे बाढीका कारण थुलुङ दुधकोशी गाउँपालिका-८ दिप्ली र सोताङ गाउँपालिका-१ खोर्दाको सिमानामा रहेको बेलीब्रिजमा क्षति पुगेकाे हाे ।
स्थानीय तुलकुमार लामिछानेले पुलको मुख्य पिलर तल्लो भागतर्फ ढल्किएको र पुल नजिकै रहेको एउटा डाेजर, एउटा जेनेरेटर र एउटा सिमेन्ट फिट्ने मिक्चर बाढीले बगाएको जानकारी दिनुभयाे ।
खोलामा जलसतह बढिरहेकाले थुलुङ दुधकोशी-८ तर्फको तीन घर जोखिममा परेका छन् । खोला नजिकै रहेको केशव राई, मन कुमार राई र पासाङ राईको घर जोखिममा परेका हुन्।
पुल ढल्किएसँगै जिल्ला सदरमुकाम र कोशीपारिका सोताङ र महाकुलुङ जाने गाडी राेकिएका छन् । आज बिहानदेखि पुल ढल्किएपछि कोशी पारि जाने गाडी तथा कोशीपारिबाट सल्लेरी, काठमाण्डौलगायतका लागि छुटेका गाडी अलपत्र परेका छन् ।
उज्यालोका सोलुखुम्बु सहकर्मी सुवास दर्नाल हिमाल एफएममा पनि कार्यरत हुनुहुन्छ ।