राेहित पाैडेलकाे शतकमा नेपालले वेस्ट इन्डिज 'ए' लाई ४ विकेट...
बैशाख १५, २०८१ शनिबार
सोलुखुम्बु – हिमाली जिल्ला सोलुखुम्बुमा पनि डेङ्गी सङ्क्रमण पुष्टि भएको छ । तीन जना पुरुष तथा एक जना महिलामा सङ्क्रमण पुष्टि भएको स्वास्थ्य कार्यालय सोलुखुम्बुले जनाएको छ ।
जिल्लाको सोलुदुधकुण्ड नगरपालिका वडा नम्बर ४ फाप्लुका दुई जना तथा वडा नम्बर ११ तिङ्लाका दुई जना गरी चार जनामा सङ्क्रमण पुष्टि भएको स्वास्थ्य कार्यालय सोलुखुम्बुले जनाएको छ ।
स्वास्थ्य कार्यालय प्रमुख सिवान ठाकुरका अनुसार फाप्लुकी ४२ वर्षीया महिला तथा १० वर्षीय बालक अनि तिङ्लाका ३२ तथा ४२ वर्षीय पुरुषमा सङ्क्रमण पुष्टि भएको हो ।
जिल्ला अस्पताल फाप्लुमा गरिएको रगत परीक्षणमा डेङ्गी पुष्टि भएको प्रमुख ठाकुरले बताउनुभयो ।
सङ्क्रमित चारै जनाको जिल्ला अस्पताल फाप्लुमा उपचार भइरहेको र अवस्था सामान्य रहेको जनाइएको छ ।
संक्रमितमध्ये एक जना बाहेक अन्य कसैको पनि 'ट्राभल हिष्ट्री' नरहेको अस्पतालले जनाएको छ ।
जिल्लामा डेङ्गी सङ्क्रमण फ़ैलिने सम्भावना बढेसँगै स्वास्थ्य कार्यालयले लामखुट्टेको लार्भा नष्ट गर्ने अभियान थालेको छ ।
उज्यालोका सोलुखुम्बु सहकर्मी सुवास दर्नाल हिमाल एफएममा पनि कार्यरत हुनुहुन्छ ।