कैलाली - कैलालीको अत्तरियामा बस र अटोरिक्सा ठोक्किदा गोदावरी नगरपालिका-६ कोलीकटानका ५३ वर्षीय तुले कोलीको ज्यान गएको छ । 

 नगरपालिका-३ चौकीडाँडामा रहेको मालिकाटोल जाने बाटो नजिकै महेन्द्रनगरबाट अत्तरियातर्फ आउँदै गरेको ना४ख ४५२८ नंको बस र विपरीत दिशाबाट गइरहेको से१ह २११४ नंको अटो एकापसमा ठोक्किएको हो । 

दुर्घटनामा गम्भीर घाइते भएका कोलीको उपचारका क्रममा ज्यान गएको प्रहरीले जनाएको छ । उनकाे मुख र छातीमा चोट लागेकाे थियाे । कोलीको सेती प्रादेशिक अस्पतालमा उपचारका क्रममा ज्यान गएको थियो ।

दुर्घटनामा अटोचालक मानबहादुर विक, ५० वर्षीया नखरी कोली, २५ वर्षीय अर्जुन कोली र २५ वर्षकै दुर्गा कोली घाइते भएका छन् । चालक डडेल्धुरा परशुराम नगरपालिका-६ का २४ वर्षीय दीपक भट्टराईलाई नियन्त्रणमा लिई थप अनुसन्धान गरिरहेको प्रहरीले जनाएको छ ।