बाँके - बाँके निर्वाचन क्षेत्र नंं १ प्रदेश सभा 'ख' मा नेकपा (एमाले) का दुर्गाप्रसाद चौधरी विजयी हुनुभएको छ । उहाँले १५ हजार छ सय ५७ मत प्राप्त गर्नुभएको छ ।

निर्वाचन आयोगले अद्यावधिक गरेको मतपरिणामअनुसार निकटतम् प्रतिस्पर्धी नेपाली कांंग्रेसका फुलाराम थारुले १४ हजार सात सय ८० मत पाउनु भएको छ।

उहाँहरुबीच आठ सय ७७ मतान्तर रहेको छ । बाँके प्रदेश क्षेत्र नंं १ प्रदेश सभा 'ख' मा ६५ हजार दुई सय ५५ मतदाता रहेकामा ४१ हजार दुई सय ४३ मत खसेको थियो । प्रतिनिधि सभा बाँके क्षेत्र नं १ मा नेकपा (एमाले) का सूर्यप्रसाद ढकाल निर्वाचित हुनुभएको छ । 

यस निर्वाचन क्षेत्रमा नागरिक उन्मुक्ति पार्टी, नेपाल मजदुर किसान पार्टी, जनता समाजवादी पार्टी, राष्ट्रिय जनमुक्ति पार्टी र स्वतन्त्र उम्मेदवार गरी सात जना उम्मेदवार रहनुभएको थियो ।