काठमाण्डाै – जापानको टोकियामा चलिरहेको ओलम्पिकमा चीनले स्वर्ण पदकको सङ्ख्या २३ पुर्‍याएकाे  छ । चीन २३ स्वर्ण, १४ रजत र १२ कास्यसहित ४९ पदकका साथ तालिकाको शीर्ष स्थानमा छ ।

यस्तै दोस्रो स्थानमा रहेको अमेरिकाले २० स्वर्ण, २० रजत र १४ कास्य गरी ५४ पदक जितेको छ  । तेस्रो स्थानको आयोजक देश जापानले १७ स्वर्ण, पाँच रजत र आठ कास्यसहित ३० पदक जितेको छ ।

चौथो स्थानको अस्ट्रेलियाले १४ स्वर्णसहित कुल ३१ पदक जितेको छ । यस्तै रुस ओलम्पिक कमिटीले ११ स्वर्ण, बेलायतले नौ, दक्षिण कोरियाले पाँच तथा फ्रान्स, नेदरल्यान्ड्स, न्युजिल्यान्ड र चेक रिपब्लिकले चार/चार स्वर्ण जितेका छन् ।

यस्तै जर्मनी, क्यानडा, स्विट्जरल्यान्ड र क्रोएशियाले तीन/तीन स्वर्ण जितेका छन् । इटली, चाइनिज ताइपेई, हङ्गेरी, स्लोभानिया र कोसोभोले दुई/दुई स्वर्ण जितेका छन् । ३० वटा देशले एक/एक स्वर्ण जितेका छन् ।